Үндэсний их баяр наадмын амралтын өдрүүдэд ГССҮТ-ийн Хүлээн авах яаралтай тусламжийн тасагт осол гэмтлийн шалтгаанаар нийт 4 796 хүн тусламж үйлчилгээ авчээ. Үүнээс том хүн 2946, 18 хүртэлх насны 1850 хүүхэд байна.
Баяр наадмын өдрүүдэд зам тээврийн ослын улмаас 530 хүн яаралтай тусламж авсан нь нийт яаралтай тусламжийн 11 хувийг эзэлж байна. Мориноос унаж гэмтсэн тохиолдол нийт 150 байгаа бөгөөд 66 нь хүүхэд байна. Үүн дотор уралдааны мориноос унасан 21 хүүхэд байна.
Мөн ахуйн хүрээний архидалттай холбоотой зодоон цохион, гэр бүлийн хүчирхийлэлд өртсөн 56 хүн ГССҮТ-д тусламж үйлчилгээ авчээ. Үүнээс 16 хүртлэх насны 6 хүүхэд байна. Дээрх үйлчлүүлэгчдээс 14 нь аюулгүй байдлаа хамгаалуулсан бол, 4 нь хэвтэн эмчлүүлж байгаа юм. Өмнөх онд 98 хүн тусламж үйлчилгээ авсан байна.
Ташрамд дурдахад, 2022 оны 7 дугаар сард ГССҮТ-ийн Хүлээн авах яаралтай тусламжийн тасагт нийт 14.207 хүн тусламж үйлчилгээ авчээ. Үүнээс эрэгтэй 8307, эмэгтэй 5900 байгаа бол 18 хүртэлх насны 5965 хүүхэд байна.
