Ерөнхий боловсролын сургуулийн нэгдүгээр ангид элсэгчдийн бүртгэл өнөөдөр эхэллээ.
Бүртгэл e-Mongolia системээр явуулж, системд нэвтрэхэд “Онцлох үйлчилгээ” хэсэгт нэгдүгээр ангийн бүртгэл нээгдээд байна. Бүртгэлд 2017 оны нэгдүгээр сарын 1-нээс 2017 оны 12 дугаар сарын 31-нд төрсөн хүүхдүүд хамрагдах юм.
Харин 2017 оны нэгдүгээр сарын 1-нээс өмнө төрсөн, өмнөх жилүүдэд сургуульд элсэн суралцаагүй бол оршин суугаа хаягийнхаа дагуу хамран сургах тойргийнхоо сургуульд биеэр очиж бүртгүүлнэ. Энэ жил 35600 гаруй хүүхэд нэгдүгээр ангид элсэх судалгаа бий.
