Японы судлаачдын бүтээсэн вакцин сармагчин дахь ДОХ-ын вирусийг амжилттай устгасныг NHK телевиз мэдээллээ. Био анагаах ухааны инновац, эрүүл мэнд, хоол тэжээлийн үндэсний хүрээлэнгийн судлаачид вакцинаа ХДХВ-ийн халдвартай япон макака сармагчингуудад тарьжээ.
Долоон сармагчин тутмын дөрөв нь халдвар авсан ч дараа нь тэдний биед вирус илрэхээ больсон гэнэ. Тэдгээр амьтанд вакцинаар өдөөгдсөн дархлааны хариу урвал нь ХДХВ-ийн халдвар алга болоход хүргэсэн гэж эрдэмтэд үзэж байна. Судлаачид таван жилийн дараа хүний оролцоотой клиник туршилтаа эхлүүлнэ гэж найдаж буй аж.
