Украины ерөнхийлөгч В.Зеленский өнөөдөр АНУ-ын ерөнхийлөгч Жо Байдентай утсаар холбогджээ. Жо Байден Оросын цэргийн хүчний үндэслэлгүй халдлагыг буруутгаад, өнөө орой НҮБ-ын Аюулгүйн зөвлөлийн хуралдаан дээр хэлэлцэх зүйлсийнхээ талаар Зеленскийд танилцуулжээ. Өнөө орой НҮБ-ын Аюулгүйн зөвлөл яаралтай хуралдахаар болсон. Мөн Жо Байден өөрийн цахим хуудсаар дамжуулан “Энэ халдлагын үхэл, сүйрлийн хариуцлагыг зөвхөн Орос хүлээх болно. АНУ болон бидний холбоотнууд болон түншүүд нэгдсэн бөгөөд шийдэмгий байдлаар хариу өгөх болно. Дэлхий нийт Орост хариуцлага тооцох болно” хэмээн мэдэгджээ.
Жой Байден: Дэлхий нийт Орост хариуцлага тооцох болно
