Израил мягмар гаргаас эхлэн “COVID-19”-ийн вакцинд хамрагдаагүй жуулчдад хилээ нээж байгаа талаар тус улсын Эрүүл мэндийн яам мэдээлжээ.
Улс орондоо цар тахал дэгдэж эхлэх үеэс буюу 2020 оны гуравдугаар сараас бүх жуулчдад хилээ хаасан Израил нь энэ оны нэгдүгээр сарын эхнээс вакцинд хамрагдсан, халдвар аваад эдгэрсэн хүмүүсийг хүлээн авч эхэлсэн юм.
Вакцинд хамрагдаагүй иргэдийн хувьд нисэх онгоцонд суухаасаа өмнө болон Израилд буусныхаа дараа “PCR” шинжилгээ өгч, зорчигчийн эрүүл мэндийн мэдүүлгийн хуудас бөглөх шаардлагатай байна.
Мөн мягмар гаргаас Израилын иргэдийг нисэх онгоцонд суухаасаа өмнө “PCR” шинжилгээ өгөх шаардлагыг цуцалжээ. Ингэснээр зөвхөн хилээр нэвтэрснийхээ дараа шинжилгээ өгөх шаардлагатай болсон байна.
Израилд ирж буй бүх иргэнд хоёр дахь “PCR” шинжилгээний хариугаа сөрөг гарах хүртэл 24 цаг хүртэлх хугацаанд тусгаарлагдах шаардлага тавьж байгаа ажээ.
Улсын хэмжээнд мягмар гарагт “COVID-19” халдварын 8372 тохиолдол илэрснээр халдварын нийт тохиолдлын тоо 3 637 543-т хүрчээ. Мөн хугацаанд халдварын улмаас нас барсан тохиолдлын тоо 10-аар нэмэгдэж 10204-т хүрсэн бол хүнд өвчтөнүүдийн тоо 588-аас 582 болж буурсан байна.
