Гуравдугаар сард БНХАУ-ын экспорт өмнөх сараас илүү хурдацтай өсөлттэй гарсан бол импорт нилээд хэмжээгээр буурсан дүн гарчээ.
Импорт буурахад цар тахлын улмаас хөл хорио тогтоох зэргээр аж ахуйн нэгжүүдийн үйл ажиллагааг хязгаарлах арга хэмжээ авсан нь нөлөөлсөн байна.
Албан ёсны мэдээллийг үндэслэн “Bloomberg”-ийн тооцоолсноор, 3 дугаар сард экспорт өмнөх оны мөн үеэс 13.2 хувиар өсчээ.
Импортын тухайд 2 дугаар сард 8.3 хувиар өсөж байсан бол өнгөрсөн 3 дугаар сард 1 хувиар буурсан дүн гарсан байна.
Үүнд халдварын хяналт, хязгаарлалт, боомтын түгжрэл, боомтын гадагш болон дотогш чиглэсэн урсгал муудсан зэрэг шалтгаан нөлөөлсөн байж магадгүй юм.
БНХАУ-ын Гаалийн ерөнхий газраас лхагва гарагт мэдээлэхдээ, оны эхний улиралд тус улсын экспортын хэмжээ 13.4 хувиар, импорт 7.5 хувиар өссөн дүн гарсан гэв.
