Израилд коронавирусний халдварын шинэ тохиолдлын тоо буурч байгаатай холбоотойгоор битүү орчинд амны хаалт зүүх журмыг цуцалжээ.
Жил орчмын турш мөрдсөн энэхүү журмыг цуцлах шийдвэр ням гаргаас хэрэгжиж эхэлжээ. Гэхдээ эмнэлэг, ахмад настны асрамжийн газар болон олон улсын нислэгт амны хаалт заавал зүүх ёстой хэвээр байна.
Израилд “COVID-19” халдварын шинэ тохиолдлын тоо нэгдүгээр сард оргил үедээ хүрснээсээ хойш буурч байгаа юм. Тухайлбал, “омикрон” хувилбарын тархалтын үеэр хүнд өвчтөнүүдийн тоо 1200 даваад байсан бол одоо 200 орчимд хүрч буурчээ.
Цар тахал хоёр жилийн өмнөөс дэгдэж эхэлснээс хойш Израилд халдварын 4 сая гаруй тохиолдол илэрч, 10 658 хүн нас баржээ. Мөн тус улсын 9.4 сая хүн амын 72 гаруй хувь нь “Pfizer/BioNTech”-ийн вакцины дор хаяж нэг тунд, тэн хагас орчим нь гурван тунд хамрагдаад байна.
Израилын эрх баригчид коронавирусний “омикрон” хувилбар шинээр үүсэн тархсантай холбоотойгоор өнгөрсөн 11 дүгээр сараас хилээ хаасан ч хожим нь гадаадын жуулчдад хилээ нээж, коронавирусний халдварын тархалтыг хяналтад авах бараг бүх арга хэмжээг цуцалжээ.
