БНХАУ-ын Аньхуй мужид Хятадын акробатч 37 настай Сан Моумоу нисдэг трапез үзүүлбэрийн үеэр унаж нас барсан харамсалтай явдал тохиожээ. Тэрээр нөхөртэйгээ хамтран үзүүлбэр үзүүлж байхдаа 10 орчим метрийн өндрөөс хатуу тайзан дээр унасан байна. Эрсдэлтэй үзүүлбэрийн үеэр алдаа гарч нөхөр нь түүнийг хөлөөрөө барьж авч чадаагүй байна. Сан Моумоуг яаралтай эмнэлэгт хүргэсэн ч бэртлээ дийлэлгүй амьсгал хураажээ. Тэрээр хоёр хүүхэдтэй юм байна.
Сан Моумоу нөхөртэйгөө олон жилийн турш хамгаалалтын бэхэлгээгүй үзүүлбэр үзүүлсээр иржээ. Хамгаалалтын бүс хэрэглэхгүй байх нь өрсөлдөөн ихтэй тус салбарт эрсдэлтэй үзүүлбэр үзүүлж илүү их мөнгө олдогтой холбоотой гэж эх сурвалж мэдээлж байна. Гэвч энэхүү эмгэнэлтэй явдал циркийн үзүүлбэрийн аюулгүй байдлыг хангах шаардлагыг өндөржүүлэх ёстойг харууллаа гэж олон хүн үзэж байна.
